2009 ~ مدونة كلمتنا

السبت، 26 ديسمبر 2009

مشروع ختم القرآن الكريم كاملا ان شاء الله

السبت, ديسمبر 26, 2009

TamTam

السلام عليكم
تعالوا نبتدي مشروع لختم القرآن الكريم ( قرآه )
و نحط شعار لينا
لا لهجر القرآن الكريم
وده هيكون الورد اليومي لينا كلنا ان شاء الله تعالي

.....

هنقرا كل يوم ان شاء الله تعالي
نصف ( 1/2 ) حزب

و الى ميعرفش
القرآن مقسم الى احزاب
ال 60 حزب
كل حزب مقسم الى 4 اجزاء
ربع حزب
نصف حزب
ثلاثه ارباع حزب
حزب كامل

و هتلاقوه طبعا في الجنب في كل المصاحف

فأحنا هنقرا كل يوم
نصف ( 1/2 ) حزب

يعني في خلال اسبوع ان شاء الله تعالي هنكون قرينا
3 احزاب و نصف

يعني في خلال شهر هنكون قرينا
14 حزب كاملا ان شاء الله تعالي

احنا ابتدينا في احد المنتديات
من يوم السبت الموافق
12/12/2009
و النهارده هو ثاني يوم لنا في الحمله
و ياريت كلنا نشترك
و الى يشترك معانا هيقرا النهارده فقط
حزب كامل
و من بكره هيبتدي معانا في نصف حزب

ان شاء الله
و عايزين كل الناس تشارك معانا
ان شاء الله تعالي

و كل يوم كل واحد يدخل يسجل حضوره هنا
بقرائته للورد الى علينا
و طبعا عشان فيه ناس مش هتقدر تدخل كل يوم
لأي ظروف
فتدخل كل اسبوع
و تعرف ان الورد الأسبوعي لها
3 احزاب و نصف

.......................

هذا برنامج للتجويد من الأخ باحثهـ عنـ ذاتى
اضغط هنا للتحميل

Read more »

الحب عالانترنت

السبت, ديسمبر 26, 2009

TamTam

No comments

طبعاً اى حد يشوف الكلمة دى
يتخض قلبو يقع يقلق
بيجيلو احاسيس عجيبة
هدخل فالموضوع على طول
اول سؤال بيخطر ببالنا
وده اللى هيبقى اكيد صلب الموضوع
هل الحب عالانترنت حقيقة ولا وهم ؟
يعنى ممكن انسان يتعلق بانسان تانى عن طريق شاشه كمبيوتر وكيبورد
يتعلق بيه عن طريق حروف وكلمات وانت ولا شفتو ولا تعرف اصلو
يعنى ممكن انسان يشغل تفكيره وحياته بانسان تانى ومفيش بينهم الا ايميل
وتحس احاسيس الحب الواقعى الملموس ؟
ممكن تحب حد وتخلص له وانت مش شفته اصلا؟
ممكن تحب شخص ورا شاشه.. وبيقولك كلام مكتوب وحكايات مسروده وخلاص؟
ممكن يحصل ليه لا
ممكن ؟لا ياستى مش ممكن يحصل ده
لا ممكن كل شىء جايز فالزمن ده( ولكن ... هنعرفها فى نقاشنا )
ولكن مش ده السؤال
ده طبعا لو مش كانت حاجه زى دى مرت عليك سواء ليك او لحد من اصحابك او معارفك
يعنى هتضحى تضحيات الحب اللى بجد عشان حب عرفته من عالنت؟؟؟
يعنى الحب ممكن ييجى كده؟ ايميل؟ كام ساعه فالكلام كلمتين هزار
على كلمتين فضفضه؟
تخيل انك ممكن تكون فى قمه السعاده لما تلاقيه بس اون لاين؟
ممكن
وحصل وبيحصل
ولكن
ده حقيقة ولا وهم وخيال وكلام فاضى
تعالو نتكلم شوية ونعمل وقفة نقاشية جادة
وبكل شفافية وصراحة مع نفسك قبل مايكون هنا
أنت / ى ايه رأيك فى موضوع الحب عالنت
من وجهة نظرك
حب .. أنترنت
كلمتين ومصطلحين مختلفين تماماً
كل واحد فى اتجاه
لكن فى عصرنا ارتبطو ببعض بشكل كبير جداً
حب بيبدأ بكلمة حلوة كويسة مجاملة .. الخ
حب سهل ممكن اى حد يعيشو فى اى وقت وبكل بساطة
واضرب بقى بأى شىء قدامك عرض الحائط
أخلاق على دين على على ...
ومحدش يجى ويعترض عالكلمة دى
فى ناس بتبقى اخلاق وبتقع فالمحظور
ياترى ليه ؟
هل الحب عالنت بقى هروب من واقع فالحياة بنعيشو
تعالو نشوف مثال صغير
أحمد ومنى

منى بتحب احمد اوى .. ازاى عرفتى احمد يامنى.. عرفته من عالنت..
ياراجل.. وبتحبيه كل الحب ده وانتى مش شفتيه
منى بتقول :انا حاسه انه اقربلى من نفسى
يامنى.. يامنى دانتى مش شفتيه..دانتى متعرفيش عنه اكتر من اللى بيقوله وممكن يكون بيكدب
منى: لا انا متاكده منه ..دانا كمان كلمته..
يااااه يامنى انتى دماغك ايه يابت بقولك غلط مينفعش ازاى بتفكرى كده فين مبادئك فين اخلاقك فين افكارك!!
منى: انا عارفه بس ده حاجه تانيه انا بحبه بجد
طيب انتى واثقه انه مبيكلمش ميت واحده غيرك وبيقولها نفس الكلام
منى: لا طبعا
ياسلام ياختى ده على اساس انه ادام عنيكى
منى:مممممممممممممم
هو ايه اللى ممممممممممم
انتى بتضرى نفسك والله العظيم.. بتحبيه ليه وازاى يابنتى

منى: بحبه
خلاص انا تعبت معاكى انتى مصممه انتى حره اشربى بئه نتيجه قله عقلك..
تعالى يااحمد
احمد عرفت منى ازاى
احمد: عادى يعنى لايت ايميلها وقلت اكلمها شويه عادى يعنى
حبيتها؟؟
احمد: فى الاول كنت عادى بعد كده لقتنى برتاح فى الكلام معاها
ياراجل .. ده على اساس انك اعد ادامها وبتكلمها؟؟
احمد: مش عارف
طيب ايه رايك النهارده بعد مرور الوقت ده
احمد: لا منى دى صحيح طيبه اوى وكده وده مينفعش.. دى صدقتنى وكلمتنى وكمان حبتنى لاياعم البت دى ياهبله يابتستهبل انا كنت عاوزها تقولى لا
------------------
طبعا منى واحمد دى فى ناس كتير موجودة عالنت
وحصلت وبتحصل ولسه هتحصل
يعنى دا مجرد مثال
ليه منى حبت احمد
مافيش ياجماعة حاجة اسمها حب عالنت
فى اعجاب ممكن
او بترسم لشخص معين صفات محددة بتحسها فيه
انتى مش تعرفى الانسان اللى بتكلميه ده
مش يكون صريح ممكن يضحك عليكى بكلامه انتى بتكلمى مع واحد لا تعرفيه
( واوقات الصراحة بالنسبالو بتبقى طريق للوصول ليها مش أكتر )
ولا اصلا شوفتيه ممكن الواحد ينخدع بالكلام فيه شباب متخصص فى كده بيدخل
على النت علشان يتكلم مع بنت والكلام بيبتدى بالصداقه وبعد كدة اعجاب وبعدين حب
وبعد فترة بيطلع مش هو الشخص المناسب اكيد بتكون فيه حاجه غلط بس البنت بتعرف
متاخر بتفوق على وهم اسمه الحب وهو اصلا مش حب
الحب عالنت موضوع بيواجه شباب وبنات كتير..
هل انت مؤمن بالحب ده؟؟
الحب على النت موجود وظاهره منتشره جدا ولكن الكثير جدا منها يفشل واحيان تنجح واحيانا تنتهى بالزواج فهناك الكثير من الاشخاص تزوجوا عن طريق النت
وده تقريبا فى دول الخليج
ولكن انت هل تؤمن بالحب على النت؟ هل مرت عليك تجربه احببت فيها عن طريق النت وهل نجحت لك او لاحد اصدقائك؟ام انك لاتؤمن بالحب من وراء شاشه الكموبيتر وتفضل الحب الطبيعى ان تره الشخص امامك فى الحقيقه جسدا وروحا وان تتكلم معه وان تسمعه وتنظر فى عينه والى وجهه وان تشعر به امامك ؟
طيب فى سؤال..
ايه رايك طيب فى نهايه الحب عالنت؟
هل ارتباط وزواج؟ ام فراق..
انت ممكن تتزوج واحده عرفتها عالنت؟؟ وانتى كمان ممكن تتزوجى واحد اتعرفتى عليه من عالنت؟
ولو رافض ليه؟ ولو رافضه ليه؟
ازاى بتبص للبنت اللى بتحبك عالنت؟
هل انت واثق فيها؟ وانتى واثقه فيه؟
ولو لا ليه؟
ممكن يكون فيه اعجاب؛ لكن حب حب لأ
لأن الحب أسمى واعلى من انه يكون فى حدود النت.. ده اولا
ثانيا..الحب عالنت ممكن ..ممكن يحصل ويبئى حب حقيقى بعد كده لو اتوفرت فيه شروط
زى الصدق والصراحه وعدم المجاملات ....
وفى شرط مهم اوى:: انه يكون فيه ضمان ..
طبعاً انا مش هقول كل حاجة دلوقتى لانى لو فضلت اتكلم هتكلم للصبح
هسيب النقاش مفتوح
واشوف وجهات النظر
يارب الموضوع يكون أفادة او تصحيح وضع لبعض الناس
كل التقدير ،،

Read more »

أنواع السقووووط

السبت, ديسمبر 26, 2009

TamTam

No comments

انواع السقوط لا يعادله مراره سوى مرارة الموت
*
*
فالبعض يسقط من العين
والبعض يسقط من القلب
والبعض يسقط من الذاكرة
*
*
والذي يسقط من العين
يسقط بعد مراحل من الصدمة؛ والدهشة؛ والاستنكار؛ والاحتقار
ومحاولات فاشلة لتبرير اختياره هذا النوع من السقوط ..!!
*
*
أما سقوط القلب
فإنه يلي مراحل من الحب ,,
والحلم الجميل ,,,
والاحساس بالضياع والندم
ومحاولات فاشلة لاحياء مشاعر ماتت ..!!!
*
*
أما سقوط الذاكرة
فإنه يبدأ بعد مراحل من التذكر والحنين
وبعد معارك مريره مع النسيان
ناتجة عن الرغبة في التمسك بأطياف أحداث انتهت ..
وغالبا يكون سقوط الذاكرة هو آخر مراحل السقوط
وهو أرحم أنواع السقوط ...!!!!
*
*
وليس بالضرورة ان الذي يسقط من عينيك يسقط من قلبك ..!!

أو أن الذي يسقط من قلبك يسقط من ذاكرتك ..!

فلكل سقوط أسبابه التي قد لا تتأثر أو تؤثر في النوع الآخر من السقوط

*
*

فالبعض يسقط من قلبك ,,
لكنه يظل محتفظا بمساحاته النقية في عينيك
فيتحول احساسك المتضخم بحبه الى احساس متضخم باحترامه
فتعامله بتقدير ..
امتنانا لقدرته السامية في الاحتفاظ بصورته الملونة في عينيك
برغم امتساح الصورة من قلبك ..!!!!!!

وهذا النوع من البشر يجعلك تردد بينك وبين نفسك كلما تذكرته ... شـــكـــرا

*
*

أما المعاناه الكبرى ..
فهي حين يسقط من عينيك إنسان مــا
لكنه لااااا يسقط من قلبك !
ويظل معلقا بين مراحل سقوط القلب وسقوط العين
وتبقى وحدك الضحية لأحاسيس مزعجة
تـحـبــه ,,, لكنك بينك وبين نفسك تـحــتـقـره
وربما احتقارك له أكثر من حبك ...!!!
*
*
ولأن الذاكرة كالطريق
تلتقط معظم الوجوه التي تلتقيها
والتي قد لا يعني لك أمرها شيئا
فإن سقوط الذاكره هو أرحم أنواع السقوط
لأنه آخر مراحل سقوطهم منك ..!!
فالذي يسقط من الذاكره لا يبقى في القلب ,,, ولا يبقى في العين !

*
*

أحــبـــتـــي

كم هو جميل أن نجد لأنفسنا أماكن دافئه في قلوبهم وأعينهم..

لكن الأجمل هو أن نحافظ على نقاء هذه الأمكنة بهم....

وإذا قررنا يوما السقوط
فلنتجنب سقوط العين ..!
لأن بعده يتسخ البياض وتصبح كل المساحات النقية ملوثة

ماذا تفعل اذا سقط من تحب من عينك ولم يسقط من قلبك ؟؟

Read more »